احتفل ليلة البارحة الجمعة 4 أكتوبر 2024 كل من التيكتوكوز عفيفة والتيكتوكور رمزي بزفافهما في حفل ثانٍ وسط أجواء فاخرة بحضور عديد الفنانين الذين تطوعوا لإسعادهم، إلى جانب صاحب مركز تجميل وصاحب قاعة أفراح الذين تبرعوا بكل مستلزمات الزفاف.
وتعليقا على ذلك، تشرت الإعلامية التونسية عربية حمادي تدوينة على حسابها الخاص تعلق فيها على ذلك وجاء فيها :"
لا علاقة لهذه التّدوينة بمنطق "زواولة و ربّي عطاهم...." كان هذي قناعتك لا تتحفني بتعليق من ها النّوعيّةحتّى لا أتحفك ببلوك ..
عندي قدّاش نتفرّج و ساكتة آما كليمة من إلي في خاطري نحبّ نقولها
قدّاش فمّا من زوز يحلمو يتزوّجو و يعملو ليلة وحدة مش ليلتين و ساعات عرسهم يتعطّل على مليون كمالة حقّ الصّالة و لاّ الحلوّ و لاّ الرّوبة....
الفنّانين إلّي تكرّمو و غنّو و شطحو و مولا الصّالة إلّي تبرّع بيها و الحجّامة و صاحبة محلّ الفساتين و غيرهم.. ربّي يثبّت أجركم".
مضيفة :"
آما أناهو أجر إلّي عند ربّي ولاّ إلّي مصوّر و عامل غزوة في كلّ وسائل التّواصل و أكيد قريبا في إذاعة و لاّ تلفزة...
قدّاش فرّحتو من عروسة و عريس مش معروفين و ما يحبّوش يكون مادّة إشهاريّة لا تصوير ولا بندير و عملتولهم ربع إلي عملتوه لزوز كلّ راس مالهم يا "بخرة" و يا "فمّ الشّورو" ربّي يهنّيهم و يديم زواجهم و يخيّب ظنّي؟
و مستغربين من مصير تلميذة كانت على علاقة بأستاذ مدّة 3سنين و حامل منّو وقت إلّي أبحتو وإستحبتو كلّ شي و ما خلّيتو للمراهق كان شعار كبّس كبّس
نحن في زمن "الvترينة"".
الفيديو :
Tags:
أخبار المشاهير