أثارت شابة تونسية تدعى أميرة، إعجاب وتفاعل التونسيين على صفحات مواقع التواصل الاجتماعي، وذلك بعد نشرها لمقطع فيديو على منصة "تيكتوك" أعلنت من خلاله أنها قررت ارتداء السفساري التونسي وممارسة حياتها اليومية به، وقالت أنها اتخذت هذا القرار بعد حديث لها مع صديقتها بخصوص العباية الخليجية وانتشارها في كافة الدول العربية.

وقالت ذات الشابة :"

من غير حتى مقدمات قررت نلبس السفساري.. موش مرّة ونحّيه قررت نرجع نلبسو ونمارس بيه حياتي اليومية.. أنا نخدم وكيلة بشركة أما هذا ما يمنعش إني نجّم نعيش حياتي ونلبس بطريقة عصرية وفي نفس الوقت نخلي الطابع متاع الهوية متاعي موجود".

وقد تدخلت صباح اليوم على موجات إذاعة ديوان أف أم وذلك بعد التفاعل الكبير الذي أثارته، وقالت :"

العباد الي تعطي فيا في كلام محلاه وتعليقات محلاها هي الي تخلي فيا نشد الصحيح باش نقعد لابستو.. هاني لابسة عادي وشي ما يمنعني نلبس السفساري.. صحيح فما خدم ما تنجمش تلبس فيها السفساري كيما البنوك أما ما فيها باس وانت خارجة تعمل قهوة العشية تلبس السفساري.. نحب المنظر الي كان في تونس محلاه يرجع".

شابة تونسية :"قررت بش نلبس السفساري يوميا ونمشي بيه للخدمة.. محلاه تراث بلادي" (فيديو)

الفيديو :