أحيا الفنان نور مهنا سهرة طربية احتضنها مساء أمس الاربعاء المسرح الاثري بقرطاج.
وقد شهدت هذه السهرة إقبالا جماهريا كبيرا وقياسيا ودارت أمام شباببك مغلقة بعد نفاذ التذاكر.
وقد بدر تصرّف من الفنان تجاه مهندس الصوت محسن الماطري مما أثار غضب الفنانين والصحفيين.
وتعليقا على ذلك، نشر الفنان التونسي مقداد السهيلي تدوينة يهاجم من خلالها نور مهنا بعد تصرفه، وجاء فيها :"
إلى سي نور مهنّى :
انت مطرب مقيم في تونس عندك سنوات ... ورحّبنا بيك وولّيت تعيش معانا
وهذا واجبنا معاك ومع كل عربي يقصد بلادنا ... مايلقى إلا التبجيل والترحيب
وتوّة تبارك الله تخدم في تونس وعايش في مستوى راقي جدا ... والجمهور
التونسي يحب يسمع منك هاك البرنامج الغنائي الطربي اللي في الحقيقة
مافيه حتى أغنية متاعك ... معناها تفلّح في رزق الناس ... وربي يعينك ما
دام الجمهور يجيك وماشية معاك ... وربي يعينك ... هذا الكلّو عادي جدا
أما يظهرلي فيك بديت تخرج عالسكّة !!! وهذا مالاحظتو في حفلتك في مسرح قرطاج الاخيرة كيف ولّيت تغني لابس دجين وسورية خارجة ...
حلو جوّ شبابي ... وداخل تغنّي وفي يدك تليفونك !!!".
مضيفا :" واللي أهم من هذا
الكل الطريقة اللي تعاملت بيها مع الفنان مهندس الصوت محسن الماطري
وقت اللي أشرتلو بيدك بكل ترفّع باش يهزّلك الميكرو ... وهو فنان متربّي
برشة .. شربها وتبسّملك .. وهزّلك ساق الميكرو ... أما راني نحب نقلّك
راك اللّي عملتو موش حلو بالمرّة ... وانا كفنان تونسي مانقبلش على روحي باش نشوف زميلي اللي نتشرّف بزمالتو يتهان بالطريقة هاذيكة
صحيح الجمهور شايخ ومتخمّر ... ومن حقّو باش يتفرهد .. وما لاحظهاش أما فمّة برشة فنانين توانسة شافوها ولاحظوها ونشروا الفيديو
باش انا شفتو ... ولذا مافيها باس تعتذر مالفنان محسن الماطري وتحاول
تتواضع شويّة ... فالتواضع من شيم الكرام ... ومافيها باس تبوسو من راسو كيما بستني انا كي جيتني مرّة للنقابة ... سايس روحك وربي يوفقك".
الفيديو :
Tags:
أخبار المشاهير