نشرت الأنستغراموز التونسية سوسن المصمودي اليوم الخميس 20 جوان 2024 مقطع فيديو على حسابها الخاص تردّ فيه على الانتقادات التي طالت صانعات المحتوى إثر وفاة زميلتهم وصديقتهم فرح القاضي.
وهاجمت سوسن منتقديها قائلة :"يضحكوني العباد الي يحطو رواحهم بوليسية ومحامين على أنستغرام.. كل ما نحل نلقاهم يسبوا في الانستغراموزات هاكم تمكيجوا هاكم تسهروا ما تحشموش.. يموت أي حد يدورو على جماعة الانستغرام.. تلهاو في رواحكم وفي عائلاتكم راهو كل واحد حرّ يحزن يخرج يسهر يشطح..".
وأضافت :" تي هي أم فرح قالت ما نحبش نشوفكم حزانة وفرح بنتي تحب الجو والزهو وتحب الناس الكل فرحانة.. وباش نعاودها للمرة الالف أنا حرة نحزن على الي نحب ونفرح وقت ما نحب.. وما يدبّر عليا حدّ كل واحد يتلهى في روحو.. وين باش تلقاو فعلكم أبراو من القلوب المريضة وتلهاو في رواحكم..".
وتابعت ساخرة :"تحبوا تقولو علينا جيعانين يا سيدي أنا أكبر جيعانة ولهماقة في البلاد وباش نموت بالشر وفي الليل ما نلقاش طرف خبز.. الي يحب يقول عليا جيعانة مرحبا.. أنا من هنا فصاعدا خدمتي معادش باش تاقف على حتى حد".
الفيديو :
إرسال تعليق