بالفيديو : مريم بن حسين تتوج كسفيرة للتراث التونسي والسياحة الداخلية

أُختيرت الإعلامية مريم بن حسين، في اختتام أيام قرطاج للموضة، كسفيرة للتراث والسياحة الداخلية، في تتويج جاء بعد سنوات من العمل على صورة تونس وتاريخها وتراثها بعمق؛ من برنامج تونس "للا البية "وصولا إلى برنامج "ريحة البلاد "الذي يبث على قناة نسمة الجديدة.

''ريحة البلاد'' برنامج توثيقي لاقى متابعة وإهتمام من قبل الجمهور العريض حيث نجحت مريم بن حسين في نقل للمشاهد البلاد بصورة شاعرية بصوتها الذي أصبح بصمة مميزة لبرامجها.

وبحضور عدد من نجوم الموضة والتمثيل وفي حفل كبير من أيام قرطاج للموضة الذي يعنى بالثقافة والجمال، تسلمت مريم بن حسين رمز التكريم كسفيرة للتراث والسياحة الداخلية من قبل رئيس المهرجان نزار السلامي.

ويتواصل برنامج ريحة البلاد على قناة نسمة في موسمه الرابع حتى منتصف شهر أوت القادم.

وقد نشرت مريم بن حسين تدوينة مطولة تتحدث فيها عن هذا التتويج، وجاء فيها :"

شكرا لكل من دعمني لتحقيق هذا العمل وللوصول للموسم الرابع اللي مازال متواصل إلى منتصف شهر أوت على نسمة 

شكرا لكل من آمن بيا 

لكل من تابعني .. 

شكرا ؛ حتى للي وقت بديت نصور يقلي أش قاعدة تعمل !!.. 

شكرا للي قالي .. يخي هبلت تدور في الشموس من بلاد لبلاد تصور في الحجر ( يقصدوا المواقع الأثرية ) 

وصورت أغلبها على كامل تراب الجمهورية في توثيق متميز والحمد لله - 

أكثر من 1200 ساعة تصوير كان نحسبوا بالساعات ..

وصلنا لآلاف الساعات في المونتاج.. 

أيام وليالي طوال لإعداد المادة" بمعية المؤرخين وأبناء الجهات ".. 

أكثر من 40 كتاب تاريخ خاص بالجهات قريته قراءة متمعنة.. 

وأشياء عديدة أخرى سأكتبها لاحقا .. 

ريحة البلاد هو موش برنامج ثقافي أو محتوى توثيقي أو وثائقي .. 

ريحة البلاد هو هذا الخليط ما بين الفل والياسمين وريحة القهوة وريحة الحنة ، وريحة شجرة مسك الليل وريحة التراب بعد مطرة حنينة.. 

ريحة البلاد هو تزغريدة خالتي قمر وضحكة خالتي جنينة وبارشا نساء أخريات .. 

هو تبسيمة عم علي .. و تفدليكة عم المنجي 

 وغيرهم ، 

هو برشا حكايات وبرشا ناس عرضوني 

وبرشا ناس حلولي ديارهم وفرحوا بيا .. 

وحبيتهم.. وخلاو في قلبي برشا معزة .. 

ريحة البلاد هي عشقي لتاريخ تونس ولتراثها ولهويتها.. 

هو حنيني لتونس اللي حكاولي عليها من بكري - : تعايش بين الناس ولا حد لاهي في حد .. 

هي " البركة " ..والكلمة الحلوة والنظافة و ثنيان الركبة..

هو حلمتي اللي نهار تونس ترجع خير من قبل .. ". 

نبوسكم الناس الكل .

الفيديو :