تحدّت الزوجة والأم لأربعة أطفال انتصار ناصري أصيلة معتمدية السند من ولاية قفصة صعوبات الحياة وللظروف الاجتماعية، وتمكنت من اجتياز امتحانات البكالوريا بنجاح.
و حسب حوار لها مع إذاعة إي أف أم قالت انتصار الناصري أنها قررت العودة الى مقاعد الدراسة بعد عشر سنوات من الانقطاع لاجتياز امتحان بكالوريا اداب .
و أضافت أنها تحدت الظروف المادية الصعبة مع زوجها و التعب مع أبنائها الأربع و استطاعت أن تحقق حلمها وتتحصل على شهادة البكالوريا.
وقد عبرت انتصار عن سعادتها الكبيرة بالحصول على شهادة البكالوريا خاصة بعد التعب وتغلبها على الصعوبات :"عمري 32 سنة وأم ل4 أطفال.. صحيح لقيت صعوبات باش نقرى لكن أخيرا تحصلت على الشهادة وفرحانة برشا.. التجربة ما كانتش ساهلة إني نوفق بين الدار والصغار والقراية لكن عزيمتي وزوجي ووالديا كان عندهم دور كبير..".
مضيفة :"صغاري من المتميزين وعندهم 18 معدل.. نروح في الليل نقريهم وراجلي عاوني برشا.. كانت فما برشا عوائق.. أنا نقرى في معهد خاص وظروفي المادية صعيبة علّخر وكل شهر نخلّص المعهد من المنحة متاع المعوزين الي ناخذو فيها.. راجلي عامل يومي و تعرض الى حادث مرور سنة 2015 ولتوا يعاني بسبب الحادث.. وهذا علاش أنا قررت نرجع نقرى ونتحدى كل شي ..".
وعن طموحاتها وتوجهاتها المستقبلية قالت انتصار أن حلمها الحصول على عمل يحفظ كرامتها ويمكنها من تغيير حياة أبنائها إلى الأفضل، لكن الظروف المادية لا تسمح لها بمواصلة الدراسة في الجامعة :"طموحي اني نخدم ونبدّل حياة صغاري ونحقق أحلام صغاري وراجلي ونبدّل العيشة الي عايشينها.. لكن بحكم الظروف ما ناصورش كان نجم نقرى في الجامعة".
الفيديو :
Post a Comment