بالفيديو.. مقداد السهيلي يكشف :"أنا ضدّ الكلام القبيح والغشة في المسرحيات.. لكن لطفي العبدلي غاضني كي يبكي" !

بمقداد السهيلي لطفي العبدلي

mokdad shili lotfi abdelli

مقداد السهيلي يكشف :"أنا ضدّ الكلام القبيح والغشة في المسرحيات.. لكن لطفي العبدلي غاضني كي يبكي" !

تحدّث الممثل مقداد السهيلي في برنامج كورنيش مع هاجر التليلي على إذاعة موزاييك صباح اليوم عن حادثة تهديد لطفي العبدلي وهروبه إلى فرنسا، وعبّر عن تعاطفه معه خاصة بسبب بكائه 

وقال :"سمعت إلي لطفي العبدلي غادر البلاد إن شاء الله ربي يرجعو على خير ... محتوى لطفي العبدلي وطريقة الخدمة متاعو أمر نجمو نفتحو فيه نقاش في مناسبة أخرى وفيه برشا ماتحكي ...

بخلاف هذا الكل كي فنان يوصل يبكي بالغصة موش حلو ، أنا ماحبيتش نشوفو الفيديو هذاكا.. رغم كل شي يبقى ديما تونسي وولدنا وتحس بقهرة وموش حلو..".

وأضاف مقداد أنه ضدّ الكلام البذيئ في المسرحيات معتبرا أنه أمر غير مقبول :"هل أنت في الدار تقول كل شي ؟ كيف كيف المسرح ... 

فما كلام حتى بين الأصحاب مايتقالش يلزم ديما فما حدود وحريتك توفى وقتلي تبدى حرية غيرك ونجم نقتلك بالضحك منغير مانتسفه ونجم نبكيك منغير ما نسبك".

الفيديو :