نشرت الممثلة التونسية آمال البكوري يوم الجمعة 3 جانفي 2025 تدوينة مطولة على حسابها الخاص تحدثت من خلالها بحسرة عن أسباب غيابها لسنوات عن الأعمال التلفزية.
وقالت امال في نص التدوينة :"
بكل تواضع انا ممثلة من الطراز الرفيع...وخير من برشا موجودين ديما في التلفزة نستحق نكون مع الممثلين الكبار انا اكادمية وممثلة محترفة وعندي بطاقة احتراف ..وبرهنت على قدراتي من خلال بعض الادوار الي رغم ثانوية لكن خلات بصمة والناس تعرف والممثلين يعرفو انا شكون ...الفرق انا عاملة قيمة لروحي وعمري لا نجري وراء المخرجين بعدت بكرامتي وتفرغت لحياتي وعائلتي وقت حسيت الي باش نضيعهم الزوز التمثيل في تونس يا تكون في العاصمة وعندك علاقات وصداقات و..و..و
الا تشوف مهنة أخرى تحفظلك كرامتك ونحكي عالدراما التلفزيونية والسنمائية مسرح تخدم في الجهات وتلقى حظك والله كل عام نشوف روحي في برشا أدوار وقلبي يوجعني وكيفي كيف برشا ممثلات زميلات مبدعات يستحقو فرص...ناس متخرجين ومحترمين ما يمثلوش والي ما عندهم حتى علاقة بالدومان تتعطالهم الفرص والله شي ينطق عندي سنين مسلمة أمري رغم موهبتي واحساسي وقدراتي...لكن قررت ماعاد باش نسكت...
والكلام هذا موجه للمخرجين ...الي شادين في كعبتين يدورو فيهم في المسلسلات الكل....تكلمت خاطر برشا عباد يسالو فيا وينك علاش موش موجودة في المسلسلات....الناس تحبني وتحب تشوفني لكن الله غالب هكا الفنان في تونس...".
الفيديو :
Tags:
أخبار المشاهير