نشرت الكرونيكوز غفران بينوس مساء اليوم الثلاثاء 27 أوت 2024 تدوينة على حسابها الخاص تردّ من خلالها على منتقدي حفل نور قمر بمسرح قرطاج ومن بينهم الإعلامي سمير الوافي.
وجاء في تدوينتها :"
توا كنت نقرا في حاجة كتبها شبه إعلامي أي ! أي ! اذاكا وحش التحيل و الابتزاز و اليّ معروف بتمجيدو وتشجيعو لمن يدفع اكثر و مسكين كي هربت بيه و ماعاد حد عملو قيمة ولالنا ناقد فنّي بالرغم الي يعمل فيه ما عندو حتي علاقة لا بالإعلام ولا بالنقد اما قاعد يمارس في رياضة شعبية يتقنها كل فاشل وهي التقزيم و تهديم و الحط من معنويات كل شخص يحب يتطور و يبني روحو و المشكل انو ما عندوش برشا ملي ريناه يشجع في مغني راب معروف اليّ غنايتو لا فيهم عمق فني و لا فكري مع إني نحترم جميع الأذواق لكن الترويج لكل ماهو سطحي و مبتذل و تجاري و سريع الانتشار على حساب الفنون الجميلة و الراقية يلعب دور كبير في تشكيل الذوق العام الي أشباه الإعلاميين ساهمو بدور كبير فيه.".
وتابعت قائلة :"
بالنسبة للفنانة نور قمر فنانة هي فنانة رائعة و ممتازة وصوتها يطرب الأموات و الأحياء و المستقبل مازال قدامها و وقوفها على قرطاج مالها إلا خطوة ضمن مسيرتها اليّ مرة تصيب ومرة تخيب بالرغم إليّ ظهورها امبارح نعتبرو ناجح حتي و لو حضرولها العشرات مش الخاطر رصيدها الفني ناقص أو صغيرة على كرطاج اما ماكانش فما ماكينة دعائية كبيرة تخدملها و تستقطب ما تبقى مالناس الي مازالو ييعشقو الطرب بالرغم من إنحدار الذوق العام.
اما يا نور رد بالك تخليهم يحبطوك أو يشكوك في روحك عبد الحليم اول مرة طلع عالمسرح ضربوه بالطماطم وهاو اليوم في 2024 مازال في ذاكرة الناس فما بالك انتي اليّ أطربتي الحضور امبارح واصلي و لا تستمعي الي الحمقى الفشلة الي ما عملو شي في حياتهم سواء التنبير و تقشقيش الحناك وراسك يا نور الناس هاذم اليّ للأسف يمثلو جزء كبير من شعبنا العظيم ما ينجموش حتي يلمو اربعة مالناس على طرح خربڤة.".
فيديو من حفل نور قمر :
Tags:
أخبار المشاهير