أثار مغني الراب التونسي علاء "ALA" الجدل وذلك بعد ظهوره في مقطع فيديو انتقد من خلاله برمجة المهرجانات الصيفية وخاصة مهرجان قرطاج الدولي ومهرجان الحمامات.
وقال علاء منتقدا استضافة كل من وائل كفوري وراغب علامة :"
كان فيبالك تجيبو في راغب علامة ووائل كفوري باش ترتقيو بالذوق العام في تونس.. الي صار في حفلاتهم الاثنين ماهوش ارتقاء بالذوق جملة..
90 ألف دولار راغب علامة.. 120 ألف دولار وائل كفوري غنى ساعة غير ربع وفما غناية عاودها 5 مرات.. 200 ألف دولار أصالة نصري تحكيو بالرسمي؟ برو أنا نخدملكم ب30 ألف دولار أكهو نجي نغنيلك ساعتين نعملك عرض عمره ما صار في تونس".
وتعليقا على ذلك، اعتبر كرونيكور برنامج "ستوديو 9" على قناة التاسعة قدور لرتيستو أنه لا مجال للمقارنة بين كل من علاء ووائل كفوري وراغب علامة، منتقدا الفن الذي يقدمه علاء وطريقة حديثه.
وقال قدور :"نحب نفهم بالهيأة الي انت فيها وبهاك البلوطة ما شاء الله والرقدة على البطن قاعد تحترم في الناس الي تخاطب فيهم؟ الحاجة الثانية انت تقارن في روحك براغب علامة ووائل الكفوري؟ نعرفو عندك جمهورك وناجح وربي يباركلك لكن لا مجال للمقارنة".
مضيفا :" راغب علامة الي تحكي عليه وتحب تخلص كيفو أولا كاريار وثانيا هاك تشوف في الكمّ الهائل متاع العازفين الي يجيو معاه .. انت تجيب في dj وsono وتحب تاخذ 30 ألف دولار؟ لا مقارنة ماكمش كيف كيف لا في الكاريار ولا في الفن ما تتقارنوش.. وانت تقدم في إفادة؟ يحبّو يجسوني في فلوسي ؟ مع احترامي ليه".
الفيديو :
Tags:
أخبار المشاهير