تلميذة بكالوريا تستغيث : غلطولي.. معدل الكونترول أقل من الدورة الرئيسية.. بالرغم طلعت أغلبية المواد

نشرت تلميذة بكالوريا مرسمة بمعهد أبو القاسم الشابي بقابس تدعى رحمة، صباح اليوم الجمعة 12 جويلية 2024 تدوينة على حسابها الخاص تطلق من خلالها نداء استغاثة، وذلك إثر الإعلان عن نتائج دورة المراقبة، لتكتشف أن معدّلها أصبح أقل من المعدل الذي تحصلت عليه في الدورة الرئيسية رغم أنها تحصلت على أعداد أعلى من الأعداد الأولى في أغلب المواد.

وطالبت التلميذة وزارة التربية بالتثبت وإصلاح الخطأ قائلة :" وصلولي صوتي كيما أنا تظلمت راهم برشا تظلموا كيفي.. أنا رحمة باك لاتر معهد أبو القاسم الشابي- ڨابس كنت نستنا في résultat البرانسيبال كيما أصحابي الكل وصلني الميساج نلقى روحي كونترول ب8,69 قلت عادي ربي يعوض خير و عاودت الماتيارات الكل و ربي يعلم بحالتي ونفسيتي وانتم أدرى نعاود ستراس résultat مرة أخرى المرة هذي كانت صدمة كيفاش نلقى روحي refusée بــ8,41 ياخي من وقتاش يجيبوا أقل من البرانسيبال في الكونترول.. 

رغم لي أني زدت في الفلسفة و الأنجليزية و التاريخ و الجغرافيا مصدقتش و عاودت حسبت نلقى 10,09 كيفاش ندوبل وأنا ناجحة علاش يصير هكا علاش حرام و الله تدمروا في التلامذة و تحطموا فيهم حسبي الله و نعم الوكيل حقي وينه ! حق تلامذة الآداب وينه ! حق التلامذة الكل وينه !! نحب حقي".

الفيديو :