تونسيتان متحصلتان على الماجستير تتحديان البطالة : "نبيعو في الفريكاسي علي الشط.. وتحدينا خزرة الناس" (فيديو)

صنعت شابة تونسية الحدث على مواقع التواصل الإجتماعي رفقة صديقتها و ذلك بعد مشاركتهما لمجموعة من الصور و هما تعلنان عن مشروعهما الصغير والذي رأى النور مؤخرا ويتمثّل في تحضير "فريكاسي" تونسي و التجول به في الشواطئ المجاورة لبيعه و كسب قوت رزقهما و ذلك في رسالة صريحة للشباب عنوانها التحدي.

و تظهر الشابتان و هما تقومان بتحضير العجين بكل حب و تحضير اللوازم الأخرى بمعدات بسيطة و على الطريقة التقليدية مواجهتان كلام الناس و نظراتهم و في سبيل كسب قوتهما وكانت قد دوّنت إحداهما :" انا متخرجة وعندي ماجيستير تخصص لغات.. ولنصيت مشروع حلو اسمو Ned's Sweets.. عندو ثلاثة سنين

حاولت نحكي برشا مرات على تجربتي البسيطة والمتواضعة ونشجع اي انسان يحب يبدى بالخطوة لولى ومش عارف كيفاه.

اليوم جبت حكاية مزيانة معايا..عندي صاحبتي منى متخرجة هي زادة ، تخدم في مجالها ، عملت برشا رحلات بالبسكلات في تونس وبعد في اسيا ، ونعتبرها مغامرة دمدومة ..

المهم قبل 3جمعات قتلي "نادرة نحب نبيع الفريكاسي في حلق الواد" ..الحق ما استغربتش جملة ..خاطر نعرف تفكيرنا واسع برشا واي فكرة مرحبا بيها..

المهم تقابلنا ، بدينا نخططوا، لوجنا recette,شرينا السلعة ، تلمينا،بدينا نعجنوا،نقصوا، انطيبوا ، نقليوا ..والعشية عبينا القصعة ..ركبنا فالكرهبة وانطلقنا ..

وعلى قد ما تعبنا نهار كامل مالتحضيرات ..على قد ما استمتعنا بالتجربة ..كنا ندوروا في الشط ونعيطوا" اي فريكاسي" ..

تحدينا الحشمة، خزرة الناس ، تحدينا رواحنا وانطلقنا ..وانا هذا نعتبروا اول خطوة لاي مشرووع ..انك تبدى وتخلي الخوف ، الحشمة ، البخل وراك..ويكون عندك ايمان تام بروووحك ..

الايمان هذاكا يتعدى للناس ..ونهارتها خلطوا علينا بررررشا من اصحابنا وكان تشجيع عظيم منهم..

اليوم رسالتي ليكم ..تشجعوا ماتخافوش ".

و أثارت رسالتها التي شاركتها بإحدى المجموعات التونسية إعجاب الرواد على مواقع التواصل الإجتماعي الذين عبّروا عن دعمهم المطلق للمشروع و أبدوا مساندتهم و إعجابهم تجاه الفكرة وتمنوا لهما النجاح.

الفيديو :