عرضت قناة "ميزيانيسيمي" على اليوتيوب قصة نجاح تونسية تدعى "هالة" أصيلة سوسة ومقيمة في روما الإيطالية منذ حوالي 20 سنة.
ونجحت هالة منذ سنتين في افتتاح مطعم يختص في الأكلات التونسية بجميع انواعها، وقد لقي المطعم نجاحا كبيرا ويرتاده حرفاء من جميع الجنسيات وخاصة الإيطاليين الذين انبهروا بلذّة الأكل التونسي.
وقالت هالة :"هذا المطعم الصغير متاعي بديتو من لا شيء.. حاولت نحط فيه حاجات متاع تونس عنا الزقوقو والبسيسة والدرع والحلو العربي وحتى الديكور حطيت حاجات متاع تونس.. حبيت نحل حاجة تونسية تعرف ببلادنا وحتى كان هو صغير فيه روح.. نحس روحي نخدم في كوجينتي والي يجيوني ضياف عندي..".
مضيفة :"كي حليت ما عنديش حتى حق خبزة.. نهارتها مشيت تسلفت حق الخبز باش بديت نعمل كسكروتات وعملتو نهار كامل كسكروتات بلاش.. النهار الثاني بديت نخدم والحكاية بدات تكبر بالشوية وكل مرة ندخل حاجة تونسية جديدة.. كفتاجي كسكسي ملوخية كسكروت تونسي طاجين هرقمة لبلابي.. كل شي تلقاه عنا.. والطلاين يموتو على الكسكسي وأول ما يجي يقلي couscous ويحبو زادة الحلو متاعنا".
الفيديو :