أثارت حلقة البارحة الأربعاء من برنامج صفّي قلبك تفاعل وتعاطف التونسيين، و تعد من الحلقات الموجعة والتي يراد بها و منها انقاذ شاب في ريعان شبابه اصيب بشلل كلّي و لا يقدر على الحركة و يحتاج الى تدخل جراحي خارج ارض الوطن مكلف للغاية.
حلقة تحمل في طياتها رسائل كبرى منها الصبر على الابتلاء و منها قيمة و نعمة الصحة و منها برّ الوالدين، اذ أطلق الاب الضيف الرئيسي للحلقة نداء استغاثة قصد مساعدة ابنه على تجاوز محنته الصحية و انقاذه و اعادة الامل له، و الغريب في الامر ان هذا الاب يعالج من اجل مرض السرطان و لكنه لا يفكر بصحته بقدر تفكيره في ابنه.
وقال ذات المتحدّث عن حادثة ابنه :"في العيد عمل اكسيدون على الموتور جا يجري زڨزڨ بيه طاح في حفرة 3ميترو .. جرح ماتجرحوش كي طاح حبس فيه كل شي.. كان تڨصو مايحسش بيه جملة ... كنا قاعدين نتفرجو في التلفزة قالولي أيمن عمل اكسيدون امشي لسبيطار مالقيت فيه مانهز..
ماينجمش يتحرك ولا يتكلم مايحس بشي و بعدها تنفخ هزيته لجندوبة قالولي ولدك باش يموت و عملولو العملية لاباس اما لتو ولدي من 3 سنين مايتحركش هو الكبير في اولادي مايتحركش جملة".
وأضاف متأثرا و هو يبكي و يذرف الدموع :"وصلت وليت مانحبش نروح للدار.. وليت نتكيف برشا من التخمام و حتى مرضت و انا ماعنديش فلوس ..انا جاي لتونس على ولدي مش علي انا .. انا تو وصلت نخمم نبيع داري باش نعالج ولدي ".
وعلّق التونسيون على الحلقة :"
هذا أقوى درس من دروس الحياة إلي يقدمو الأب و من أقسى المعاناة إلي ينجم يعيشها البو في حياتو لا يزي من قساوة الحياة من شيرة و من قساوة المرض من شيرة أخرى و هاذي هي إلي يبيع الدنيا و ما فيها على خاطر ولدو و على خاطر يشوف ضحكة في فم ولدو و يقوملو لاباس هاذي هي إلي ينحي من فمو و يعطي و إلي يبيع لحمو في خاطر ولدو وقتها يا إنسان لازمك تحمد ربي على النعمة إلي إنت فيها و كيف تشوف هم و معاناة ناس أخرى تنسى همك وبلحق يا ليت الأباء الكل كيما البو هذا إلي يخليك تعرف شمعناها قيمة الأب و الله لا يحرم بشر من بوه خاطرو ساس الحياة ".
الفيديو :
Tags:
مجتمع