manel amara sana mejri
ردّت الفنانة التونسية منال عمارة على تصريحات الصحفية سناء الماجري التي وجّهت نداءا إلى وزارة الثقافة التونسية بأن تتصرف على غرار نظيرتها الجزائرية التي منعت بث بعض الأغاني و ذكرت على سبيل المثال أغنية منال عمارة "البخوخو" وأغنية مصطفى الدلاجي.
و جاء ردّ منال عمارة عبر مقطع فيديو نشرته على حسابها الشخصي انستغرام و قالت :"سيدتنا الجميلة و صحافيتنا الراقية للتذكير و ممكن انت ما تعرفش كلمات غناية البوخوخو: عاملّي ما كيفك حد صعيب و عمرك ماتتشد شايف روحك طول و قد و البنات عليك يدوخو .... كلمات للشاعر الكبير حاتم القيزاني غني عن التعريف كتب أغنية صيد الريم و يا دلّولة خلوني معاها هي طير الحمام مجروح و غيرها ".
و أضافت معلّقة:"فهم أي كلمات مبتذلة تتحدّثين سيدتي..تطلب في الوزارة باش تمنع في الاغاني المبتذلة في التظاهرات الثقافية خلّيني نذكرك في كلمة مبتذلة! عمرك في حياتك لا جبدت كلمة بوخوخو على لسانك تحسها كلمة عيب ... تستعار بلهجتك! و تحب تعمل البوز على ظهوراتنا راك تونسية كيفك كيفنا".
و واصلت حديثها مهاجمة إياها :"راك متخرّج من معهد الصحافة اعمل اسم بخدمتك و طيش عليك من تمد رايك في فلان و فلتان نعطيك نصيحة اخدم و اعمل بحوثات على معنى كلمة "مبتذلة" انت لا تجدين من اللغة العربية، آنا اليوم هبطت عليك ستوري عرّفت عليك الناس خاطر برشا ناس ماكانوش يعرفوك اما المرة هذي زلعتيها معايا... و انا قررت نجاوبك ".
الفيديو :