 |
| أميمة العياري |
oumayma ayari diwan fm
تحدّثت الإعلامية أميمة العياري في برنامج الراف ماغ كاشفة عن ما أسمته بفضيحة وقعت في اختتام أيام قرطاج السينمائية، وتتمثل في خطأ حصل في تسليم جائزة أفضل سيناريو واعتبرت أن خطأ مماثلا في مهرجان عريق و عالمي يستوجب على الأقل الخروج والاعتذار عنه أو حتى تداركه وتصحيحه في اقرب وقت مستغربة من كيفية تعاطي الجهة المسؤولة مع الموضوع
وقالت : "في الjcc ، جائزة أفضل سيناريو إلي تحصل عليها فيلم شرف للمخرج المصري سمير نصر وإلي شاركوا فيه ممثلين توانسة ، فيلم مزيان برشا وتحصل على أحسن ديكور والتانيت البرونزي ...
لكن وقتلي طلع المخرج على الركح باش يتحصل على l'attestation إذا بيه كي هبط باش يعمل بيها تصويرة يلقى الجائزة فيها اسم فيلم طريق إلي هو فيلم سوري .. حب يستفسر المخرج ومشى سأل المنظمين قالولو صارت غلطة وباش نصلحوها وماتصلحتش ومن بعد الجائزة تحذفت جملة من الصفحة الرئيسية للمهرجان..".
وقالت ان تقريبا نفس الخطأ حدث من قبل و لكن السلطات المعنية بالمهرجان تعاملت بشكل مغاير واحترافي معه :" عام 2017 صارت نفس الحكاية في الاوسكار واعتذرو بالوقت وصلحوها ...
هوني المشكل لمن الجائزة ؟ شنية الاستهتار ؟ ويني المصداقية متاع المهرجان ؟ يا خويا صلحو الغلطة خلي نعرفوا شكون خذا الجائزة المخرج المصري ولا السوري ..".
الفيديو :
Tags:
أخبار المشاهير