 |
| مايا القصوري maya ksouri kais saied |
دونت المحامية والكرونيكاز، مايا القصوري، على صفحتها بفايسبوك ما يلي :
اكبر عنف يعيشوه التوانسة اليوم هو عنف نفسي… يكون عموما عنف لا يقع الوعي بيه لكنو يتسبب في اضرار كبيرة للمواطن التونسي، تزايد القلق، ارتفاع حالات الاكتئاب و التفكير في الانتحار.،الاحساس بانغلاق الافق الي هوما يتسببوا في أمراض عضوية و لكم الاطلاع على تقارير منظمة الصحة العالمية على تونس تاو تشوفوا حالتنا المزرية…
من أبرز انواع العنف النفسي هو اخضاع الشخص لظروف عيش تخلو من كل احساس بالامن و الأمان و جعل الجريمة تولي حاجة عادية… باراميتر من باراميترات العيشة…
و هذا الي قاعد صاير… عام الفين و تسعطاش في تمبك حكاية مدرسة الرقاب الإرهابية عيطولنا في القرجاني خاطر الأمن شد جوابات كانت معدة لتسميمنا انا و بعض الاعلاميين الي تحدثوا في موضوع الرقاب… المسألة وقع تتفيهها من قبل منظومة الرقاب و من قبل بعض المشتغلين بالإعلام الي تقلقوا كيفاش ما حسبوهمش مهمين و عملولهم جوابات هوما زادة (للأسف المعطي هذا متع الحسابات بودورو معطى مهم ياسر و كان احيانا محدد و تاو نهار نحكيو عليه)… اليوم نراو نفس المسألة تعود..ورجعت قبل وقت موت الباجي… .
ولي التسميم و الحديث عليه حاجة عادية في تونس… و التوانسة يفدلكو بيه غير واعين بالضرر النفسي اللاواعي الي قاعد يضرب فينا الكل بالعيشة في جو موبوء هكا… المسائل هذي لازم أخذها بكامل الجد الممكن و التحقيق فيها بكل الصرامة الممكنة خاطر راو بلاد الحديث فيها على السم و التسميم بكل خفة العيشة فيها غير ممكنة… هذا بالسوري اسمو mithridatisation