 |
| خطير: رئيس تحرير برنامج الاحد الرياضي لبيب الصغير يتعمد تجاهل مشاركة الترجي في كأس العالم للاندية ... ليثير غضب المكشخين |
واثر انتهاء برنامج الاحد الرياضي تضاعف منسوب احتقان جماهير الترجي على برنامج الأحد الرياضي،واتهموه بعدم الحياد, واصدرت جميع صفحات الترجي بلاغ لمقاطعة برنامج الاحد الرياضي و الخروج من الصفحة الرسمية للبرنامج.
وقال الصحفي طارق الغديري في تدوينة نشرها على صفحته على موقع التواصل الاجتماعي الفايس بوك أنه يدعم فريق الترجي الرياضي التونسي بعد تجاهله من برنامج الاحد الرياضي.
وفي ما يلي نص التدوينة:
معناها #الأحد_الرياضي البرنامج الأهم في تلفزيون #المرفق_العمومي يعتبر أنو مشاركة بطل إفريقيا مرتين على التوالي في مسابقة عالمية تضم نخبة النخبة ومنظمتها الفيفا َأكبر سلطة على الإطلاق في كرة القدم و اللي كمل الخامس مع جائزة أفضل هداف و جائزة اللعب النظيف خبر ثانوي وهامشي..وتبدأ البرنامج بملخص مبلفط لطرح المتلوي و النجم و بعدها ساعة ونص Bla Bla Bla على مشكلة مباراة ودية أقل من عادية فشلت في تنظيمها جمعية تونسية ما تلعب حتى مسابقة دولية الموسم هذا مع جمعية من الصف العاشر في إيطاليا!!
و بعد هاتو شكون يقنع الجمهور الرياضي أنو 99٪ من المتحكمين في الشأن الرياضي في التلفزة الوطنية ماهمش قلبا وقالبا مجندين لخدمة النادي الإفريقي !!
يا أخي هانا أحنا تحملنا مسؤوليتنا قدام 12 مليون تونسي و قلنا من هاك العام بالصوت العالي اللي احنا مكشخين مليون في المية، ولكن الانتماء هذا عمرو ما منعنا باش نقدمو مادة إعلامية تحترم عقل المشاهد و ما يظهرش فيها تمييز نادي على آخر..
وقيت يظهرلي انتوما زادة باش تتحملو مسؤوليتكم و تحترمو عقل المواطن التونسي اللي يخلص في الضرائب باش يشوف تلفزة مرفق عمومي يعبر عليه مهما كانت جمعيتو..
#بلاد_الڤرع"
Tags:
رياضة